فى بداية سنة جديدة
و يارب تكون سعيدة على كل الناس
بقول
أنا هبدأ ......
أنا هبدأ أقرب من ربنا أكتر و أقرا فى الانجيل و انفذ كلامه و امارس الاسرار المقدسة و أكون انجيل معاش علشان يتمجد اسم ربنا فيا .
أنا هبدأ مكدبش و محلفش و مشتمش و كمان هبطل أغش .
أنا هبدأ اكون هادئ و ابطل العصبية .
أنا هصلح علاقتى بكل الى بينى و بينهم خلافات او سوء تفاهم و هحبهم من اول و جديد .
أنا هبدأ أكرم ابويا و امى طول ايام حياتهم و هرجع صلة الرحم مع قرايبى تانى .
أنا هبدأ اسمع موسيقى تنضف ودانى و هبعد عن الموسيقى و الاغانى الى تعثرنى .
أنا هبدأ أدفع عشور علشان ربنا يباركلى فى فلوسى .
أنا هبدأ أساعد كل محتاج و اى حد يطلب منى حاجة ممكن اعملها مش هتاخر .
أنا هبدأ اظبط مواعيدى و انظم وقتى و اهتم بدراسى و ابطل كسل .
أنا هبدأ أشرب مشروبات تفيدنى و ابعد عن الكحوليات و المنبهات .
أنا هبدأ ابطل سجاير و بأسم يسوع هقدر ابطلها و اغلبها .
أنا هبدأ العب رياضة .
أنا هبدأ أقرى كتير و اتثقف كتيييييييييييير .
أنا هبطل نميمة و حقد .
أنا هبدأ يكون شعارى هو ابتسامتى .
أنا هبدأ ارضى ضميرى فى شغلى .
أنا هبدأ ابص للبنات كلهم على انهم اخواتى و هبطل معاكسات .
أنا هبدأ حاجات تانى كتير كنت عنها بعيد .. لكن مش ندمان .. ربنا ادانى عمر مديد .. اقدر فيه ابقى انسان جديد
يلا مين هايبدأ معايااااااااااااااااااااااا
